Na Pùstczi nëkac

cobë sã pùstkóm

nie dac znikwic do kùńca

Znała jem ne môle

z bëlnégò dzectwa

Jesz dzysô

jak pierwi gôdają

że tam nick ni ma

A jô wiém

że kòżdé z Pùstków

to Drzéżdżonowô Dąbrowa

Żëją tam jesz

Jón z Móniką

i grają na skrzëpicach

A jeżlë Dąbrowa je całim swiatã

to żôden jiwer

cobë jem dobëła mòje pùstczi

Jô to wiém

dobrze wiém

téj nie gadôj

Le biôj!
 

Felicja Bôska-Bòrzëszkòwskô

„Pùstczi”